مدمر ومبيبطلش عياط.. زوجة عصام صاصا تكشف مفاجآت صادمة بشأن حالته بعد دهسه مواطنا

كشفت جهاد زوجة مطرب المهرجانات الشعبية عصام صاصا، تفاصيل حالته النفسية بعد دهسه مواطنا على الدائري، حيث دونت منشورا على حسابها الشخصي، بموقع تبادل الصور والفيديوهات إنستجرام.

وقالت جهاد: جوزي تعبان وكل ما ييجي يتكلم مع حد يفتكر الموقف ويعيط، ومش لازم بقى يطلع يقول لكم شوفوني يا جماعة أنا مكسور إزاي ومتدمر، وعيب اللي بتعملوه ده وربنا ما يحطكم في اللي هو فيه.

وتابعت: ممكن تبطلوا قرف عصام مخدش 7 سنين ومفيش حكم أصلا، بتقولوا عصام كان شارب معرفش إيه، ولحد دلوقتي نتيجة التحاليل مظهرتش وحاسة أن شوية وهتقولوا عليه إرهابي وسارق فلوس الناس، ولا علشان إحنا مش بنرد فأنتم هتسوقوا فيها، وما تقلقوش هانت وكل واحد عمل فيلم  ما يزعلش والحساب يجمع.

وأوضحت: مرة من 4 سنين وقعنا في مشكلة كنت أنا وعصام لوحدنا وعشنا أيام وحشة، ومحدش كان بينصحني ولا حد كان واقف معانا بس بعدها لما صبرنا ربنا عوضنا عوض كبير أوي في الرزق وحي الناس والشغل.